Екібастұздың іргесіндегі жол апатынан екі адам қаза тапты

Екібастұздың іргесіндегі Солнечный ауылы маңында жол апаты болып екі адам қаза тапты. Тағы бір адам аурухананың жансақтау бөлімінде жатыр. Үшеуі де «КЕГОК» АҚ-ның қызметкерлері. Мәліметке қарағанда, КамАЗ бен пикап соқтығысқан. Полиция дерегі бойынша жүк көлігі қарсы бағыттағы қозғалыс жолағына шығып кеткен. Соқтығысқаннан кейін қос көлік жол жиегіне аударылған. Қылмыстық іс қозғалды. Ал КамАЗ жүргізушісі күдікті ретінде қамауға алынды.