Таиландта парламент таратылды

Таиландта парламент таратылды. Премьер-министрдің бұл ұсынысын король мақұлдаған. Үкімет басшысы Анутин Чарнвиракул осы шешім арқылы «билікті халыққа» қайтарғанын мәлімдеді. Енді елде 45-60 күн ішінде кезектен тыс сайлау болмақ. Үкімет өкілдері өзгеріс парламенттегі келіспеушіліктен туындағанын айтты. Бұл елдегі күрделі мәселені шешуді қиындатқан. Таиландтағы саяси тұрақсыздық көршілес Камбоджамен арадағы шекаралық қақтығыспен тұспа-тұс келіп отыр. Екі ел арасындағы жанжалдан 20 адам қаза тауып, 200-дей тұрғын жараланды.