Елімізде ұлттық тауарлар каталогы енгізіледі

Елімізде ұлттық тауарлар каталогы енгізіледі. Бұл туралы орталық коммуникациялар қызметінде сауда, қаржы министрліктерінің өкілдері хабарлады. Ел аумағында өндірілген және сырттан импортталған кез келген тауар ұлттық каталогқа енгізілмек. Бұл бақылау жұмыстарын әділ жүргізіп, нарыққа сараптама жасауды жеңілдетеді. Құзырлы органдар сұраныстағы туарларды іріктеп, тапшылықтың болмауын қамтамасыз ете алады. Жаңа жүйе кәсіпкерлер үшін де тиімді болады дейді мамандар. Бизнес өкілдері артық есеп-қисапсыз қоймасында қай тауардың қанша қалғанын біліп отырады. Бұл Ұлттық каталог жаңа жылдан бастап жұмыс істей бастайды.