Маңғыстау белсенділері «Қазмедиа» орталығымен танысты

Маңғыстау облысының белсенділері «Қазмедиа» орталығының жұмысымен танысты. Өңірден келген қоғамдық кеңес мүшелері мен үкіметтік емес ұйым өкілдері «Көшбасшылар керуені» жобасының қатысушылары. Астанадағы іс-сапар аясында 15 адамдық делегация 22 қабатты телеорталық ғимаратын аралады. Қазмедиа орталығындағы студиялардың жұмысын көріп, Орталық Коммуникациялық қызметінің брифингтері өтетін алаңға барды. Жалпы үш күндік Study Tour қатысушыларға мемлекеттік органдардың қызметімен танысып, олардың көшбасшылық, коммуникациялық және құқықтық дағдыларын күшейтуге мүмкіндік бермек.

«Қазмедиа» - енді керемет, заманауи жабдықтармен жабдықталған мүмкіншілігі мол орталық екен. Көріп жатырмыз. Халықтың арасындағы түсінбеушілік ақпараттың жетіспегендігінен болады. Осы ақпаратты жеткізіп отырған кез-келген жағдайда да ақпаратты жеткізетін осы орталықтың жұмысшылары.