Қарағанды облысында 4 теміржолшыны жүк пойызы басып кетті

Қарағанды облысында төрт теміржолшыны жүк пойызы басып кетті. Ауыр жарақаттан барлығы да оқиға орнында көз жұмды. Мойынты – Шығанақ учаскесінде Сарышаған станциясының жол бригадасы жоспарлы рельс ауыстыру жұмыстарын жүргізіп жатқан. Қазақстан темір жолы компаниясының хабарлауынша, жүк пойызы шұғыл тежеу басқанымен, апаттың алдын алу мүмкін болмаған. Оқыс жағдай бүгін Астана уақытымен 17:15-те болды. Қазір мән-жайды анықтау үшін арнайы комиссия құрылып, оқиға орнына аттанды.