Индонезияда лай көшкіні құрбандары 867-ге жетті

Индонезияда өткен аптадағы алапат тасқын мен лай көшкіні құрбандарының саны 867-ге жетті. Тағы 521 адам жоғалып кеткен. Мұны жергілікті үкімет өкілдері мәлімдеді.

Айта кетсек, дәл осы циклоннан Таиланд пен Малайзияда 200-ге жуық адам опат болды. Қазір Суматра аралының үш провинциясында қалпына келтіру және жәрдемдесу операциялары жалғасып жатыр. Үкімет табиғи апатқа қарсы күрес кезіндегі кемшіліктер үшін халықтан кешірім сұрады. Тұрғындардың айтуынша, бұл апат олардың есіне 2004 жылы желтоқсанның 26-сында болған сұрапыл трагедияны салды. Сол кезде 9,1 баллдық зілзаладан теңізде цунами көтеріліп, одан дәл осы Ачех провинциясында 200 мыңнан аса адам қаза тапқан еді.