Үндістанның «Индиго» әуе компаниясы 500 рейсті доғарды

Үндістанның «Индиго» әуе компаниясы бүгін 500 рейсті доғаратынын жариялады. Олардың бәрі мемлекет астанасы Нью-Делиден аттануы тиіс еді. Жергілікті ақпарат құралдарының хабарлауынша, бұл проблемаға елдің ең ірі авиакомпаниясының пилоттарға арналған жаңа кезекшілік кестесін жоспарлай алмауы себеп. Төрт күн бұрын басталған дағдарыс нарықтағы үлесі 60 пайыздан асқан «Индигоны» тығырыққа тіреп, мыңдаған жолаушыны қиын жағдайға душар етіп отыр. Дегенмен үміт жоқ емес. Компания қызметін ақпанның 10-на дейін толық қалпына келтіретінін мәлімдеді.