Испанияда шошқадан тарайтын індетпен күреске мыңға жуық адам тартылды

Испанияда африкалық шошқа обасымен күрес жалғасып жатыр. Бұл жұмысқа мыңға жуық полиция қызметкері тартылған. Мұны осы елдің ауыл шаруашылығы министрлігі мәлімдеді.

Індет қабан шошқалардан тараған. Оларды аулауға полицейлермен бірге кинологтар да жұмылдырылып жатыр. Шошқа індетінің ошағы өткен аптада Барселона маңынан табылды. Содан кейін экономикаға жылына миллиардтаған доллар кіріс әкелетін шошқа фермаларына бақылау қатаңдатылды.