Жапонияны қалың қар басып тастады

Жапонияның таулы аймақтарында қалың қар жауып, көлік қозғалысын тұралатып жатыр. Сонымен қатар апаттар көбейіп кеткен. «Эн-ти-ви» арнасының хабарлауынша, бір Миаги префектурасының өзінде бүгін таңертең 13 машина жолдан тайыпты. Пойыздар да уақытша тоқтаған. Ал Аомари және Хуого префектуралары арасында әуерейстер доғарылып жатыр. Себебі бораған қардан әуе кеңістігін көру қиындап кеткен. Әзірге зардап шеккендер туралы мәлімет түскен жоқ. Елдің синоптикалық қызметі тұрғындарға қар көшкіні кезінде түрлі қауіптерден абай болуды ескертіп жатыр.