Үкімет Жезқазғандағы су мәселесін шешуге 1,8 млрд бөлді

Ұлытау облысындағы ауыз судың сапасы нашар. Үкімет өзекті мәселені шешуге 1,8 млрд теңге бөлді. Қаражат Президенттің тапсырмасы аясында Жезқазған қаласының шаруашылық-ауыз су тазарту құрылыстарын жаңғыртуды аяқтауға бағытталған. Айта кету керек, қазір жұмыс істеп тұрған кешен 1966 жылы пайдалануға берілген, жабдық 90%-ға тозған. Сондықтан нысанда ұзындығы 4 шақырым инженерлік желілер тартылып, трансформаторлық қосалқы стансалар мен тарату құрылғылары салынды. Ауыз суға арналған 4 резервуар жаңғыртылмақ. Үкімет резервінен бөлінген қаражат нысанның құрылыс-монтаж жұмыстарын аяқтап, 2026 жылы жоспарлы пайдалануға мүмкіндік береді.