Брюссельде НАТО елдері СІМ кездесуі өтіп жатыр

Брюссельде НАТО елдері сыртқы істер министрлерінің кездесуі өтіп жатыр. Онда қорғаныс мәселелерімен бірге Украинаны қолдау проблемасы да талқыланады. Жиынның ашылуында Солтүстікатлантикалық альянстың бас хатшысы сөз сөйлеп, Украинаға арналған қару-жарақ қорына жеделдетіп үлес қосуға шақырды. Марк Рюттенің мәлімдеуінше, Украина өзін қорғап, келешекте басқыншылыққа жол бермеуі үшін НАТО аталған механизмге жарнаны жылдамдатып аударуы керек.