Болгария үкіметі халықпен санасуға мәжбүр болды

Болгария үкіметі 2026 жылдың бюджет жобасын парламенттен қайтарып алды. Биліктің мұндай шешім қабылдауына ондаған мың адамның бірнеше қалада шеруге шығып, қаржылық құжатқа наразылық білдіруі себеп. Демонстранттардың сөзінше, жаңа бюджет мемлекеттік шығындарды жабу үшін бизнестен салықты көп алуды көздейді. Сонымен қатар тұрғындар жемқорлыққа қарсы ұрандар көтерді. Болгария қаңтардың 1-де еуроға көшеді. Кей азаматтардың ойынша, мұның нәтижесінде балқандық республика экономикалық тәуелсіздігінен айрылады. Ал қоғамның өзге тобының пікірінше, саудагерлер ұлттық ақшадан ортақ валютаға өтуді пайдаланып бағаны өсіріп жіберуі мүмкін.