Қазақстан мен Эстония 517 млн долларға келісім жасады

Қазақстан мен Эстонияның компаниялары 517 миллион доллардан асатын 11 коммерциялық құжатқа қол қойды. Астанада екі ел Президенттерінің қатысуымен бірлескен бизнес форум өтті. Қасым-Жомарт Тоқаев іскерлік топ өкілдері қатысып жатқан бұл жиын сауда және инвестиция саласындағы екіжақты ықпалдастықты жандандыруға септігін тигізетініне сенім білдірді. Сонымен қатар көлік-логистика, цифрландыру, ауыл шаруашылығы, өнеркәсіп, қаржы және білім беру салаларындағы өзара тиімді серіктестіктің басым бағыттарына тоқталды. Сондай-ақ елімізде эстониялық бизнестің кеңеюіне жан-жақты қолдау білдіруге дайын екенін айтты.