Вьетнамда тайфуннан 5 адам қаза тапты

Филиппин аралдарына ойран салған «Калмаеги» тайфуны Вьетнамға жетті. Дауылдан 5 адам қаза тапқан. Табиғи апаттан елдің орталық бөлігіне айтарлықтай зақым келді. Нөсер жауын жауып, екпіні қатты жел соққан. Салдарынан ағаштар тамырымен жұлынды. Үйлердің шатыры ұшып, терезе әйнектері сынды. Тайфуннан зардап шеккен аудандарда су, жарық өшіп, интернет үзілген. 350 мыңдай адам қауіпсіз жерге көшірілді.