Олжас Бектенов Беларусь премьерімен кездесті

Үкімет басшысы Олжас Бектенов елімізге ресми сапармен келген Беларусь Республикасының Премьер-министрі Александр Турчинмен кездесті. Онда екіжақты тауар айналымын ұлғайту, инвестиция, ауыл шаруашылығы саласын дамыту мәселесі әңгіме өзегі болды. Тараптар көлік және логистика саласындағы байланыстың маңыздылығын атап өтті. Сондай-ақ өңіраралық ынтымақтастық және мәдени-гуманитарлық саладағы өзара іс-қимыл мәселелерін талқылады. Кездесу қорытындысы бойынша Қазақстан мен Беларусь премьер-министрлерінің қатысуымен екіжақты бірқатар құжатқа қол қойылды.