Егемендік декларациясы – тәуелсіздіктің жаршысы

Егемендік декларациясы - тәуелсіздігіміздің жаршысы. Сондықтан 25 қазан Республика күнінің тарихи маңызы зор. Бұл ардагер журналист, Қазақстанның Ыстанбұл қаласындағы тұңғыш консулы Ержан Уәйістің пікірі. Бүгінде Ыстанбұлдағы Қазақстанның Мәдениет және сауда орталығын басқаратын қоғам қайраткері 1990 жылы Егемендік декларациясы қабылданған залдан тікелей эфирде хабар таратқан санаулы журналистің бірі.

Ержан Уәйіс, Қазақстан мәдениет және сауда орталығының басшысы, ТҮРКСОЙ ұйымы Бас хатшысының кеңесшісі:

Әрине, бұл тарихи құжат Қазақстан тәуелсіздігін алуына жол ашты. Ата заңымыздың яғни конституцияның негізі қаланды деген сөз. Сол күні Жоғарғы кеңестің сессиясында егемендік декларациясын әзірлеу комиссиясының қос төрағасы қазаққа белгілі академиктер Салық Зиманов пен Сұлтан Сартаевтар кеңінен баянадама жасады. Яғни тарихтың жаңа бетін ашты бұл баяндамалар.