Бейжің сирек металдар экспортына бақылауды күшейтті

Қытай сирек жер металдары экспортына бүгіннен бастап бақылауды қатаңдатты. Елдің сауда министрлігі мұндай шешімді сейсенбі күні АҚШ конгресмендері Қытайға микросхемалар өндірісіне арналған жабдықтар сатуды тоқтату мәселесін көтергеннен кейін қабылдап отыр. Қытай әлемдегі өңделген сирек металдар мен сирек жер магниттерінің 90 пайызын өндіреді. Солардың 17 түрі электромобиль, авиациялық моторлар және әскери радарлар өндірісінде аса маңызды материалдар саналады.