Қазақстанның транзиттік әлеуеті зор

«Достық-Мойынты» теміржол желісі Қазақстанды халықаралық тауар тасымалы саласындағы маңызды елдердің біріне айналдырады. Жаңа жобаның іске қосылуы Түркия үшін де тиімді. Әлемдегі геосаяси ахуал күрделенген тұста, Қытайдан Еуропаға теміржол арқылы жылдам әрі қауіпсіз жүк тасымалдау көп мемлекет үшін өте маңызы дейді түркиялық экономистер.

Сайнұр Дерман, экономист, профессор:

Түрлі қақтығыстардың кесірінен қазір теңіз арқылы жүк тасымалдау қауіпті болып тұр. Осы ретте Қазақстан жаңа темір жол желісін іске қосу арқылы халықаралық жүк тасымалына серпін беріп отыр. Бұл темір жол тек Қазақстан емес, Түркия үшін де, Еуропа елдері үшін де маңызды. Батыс пен Шығысты жалғаған жол арқылы жылына миллиондаған тонна жүк тасымалданып, Қазақстанның экономикалық әлеуетіне де орасан пайда келтірері сөзсіз.