Түркияда шахтада топырақ көшіп, кеншілерді басып қалды

Бүгін таңертең Түркияның Зонгулдак аймағындағы көмір шахтасында топырақ көшкіні болды. 263 метр тереңдікте болған апат кезінде 5 кенші топырақ астында қалған. Бірнеше сағатқа созылған іздеу құтқару жұмыстарының нәтижесінде 4 жұмысшы жер бетіне аман-есен шығарылды. Олардың арасында жарақат алған бір адам ауруханаға жеткізілді. Дәрігерлер оның өміріне қауіп жоқ дейді. Қазір бір кеншіні әлі іздестіріп жатыр. Әзірге апаттың нақты себебі белгісіз. Оқиғаға байланысты қылмыстық іс қозғалып, тергеу басталды.