Ресейде эпидемиялық ахуал нашарлап барады

Ресейде бір аптада COVID жұқтырған адам саны 15 мыңнан асты. 37 өңірде эпидемиялық ахуал мәз емес, ауруханалардың 60 пайызы толған. Мамандар соңғы он күнде мутацияға ұшыраған стратус вирусы кең тарап жатқанын айтады. Жалпы, елде виустық инфекцияларды жұқтырғандардың саны өткен аптамен салыстырғанда 63 пайызға  артты. Сондықтан кей өңірлерде індетке қасы екпе салып жатыр. Ал  адам көп шоғырланатын жерлерде маска тағу міндетті.

Геннадий Онищенко, дәрігер:

Мектеп оқушыларының арасында вирус тез тарауда. Өйткені демалыстан келген оқушылардың арасында түрлі инфекция тарап жатыр. Сондықтан біздің міндетіміз эпидемиялық талаптарды сақтау. Алдағы айларда инфекция саны артады деп болжануда.