Таиландта сот экс-премьерді 1 жылға қамау туралы шешім шығарды

Таиландта Жоғарғы сот бұрынғы үкімет басшысы Таксин Чинаватты 1 жылға қамау туралы шешім шығарды. 17 жыл эмиграцияда болған экс-премьер еліне 2023 жылы барған еді. Сол жылы «Клонг Прем» түрмесіне жеткізіліп, денсаулығына қатысты шағымдарға байланысты полиция госпиталіне VIP-палатаға жатқызылды. Алты айдан кейін бостандыққа жіберілген. Енді Жоғарғы сот мұны заңсыз деп тауып, Чинават жазасын қайта өтеуі тиіс деп шешті. Таксин Чинават Таиланд үкіметін 2001-2006 жылдар аралығында басқарып, әскери төңкеріс нәтижесінде қызметтен аластатылған еді.

Арай Төлегенқызы