Жаңалықтарды Telegram арнамыздан оқыңыз!Қытай мен Орталық Еуразия арасындағы жаңа стратегиялық көпір. Шанхайда «Khan Tengri innovation hub» инновациялық хабы ашылды. Бұл - Қазақстан мен Орталық Азия компанияларының Қытайда өз бизнесін сенімді түрде бастауына және дамытуына арналған алаң дейді мамандар. Жаңа хаб болашақта бірлескен стартаптар мен технологиялық жобаларды дамытуға, IT мамандар мен кәсіпкерлердің басын біріктіруге мүмкіндік бермек.
Жаслан Мәдиев, ҚР Цифрлық даму, инновациялар және аэроғарыш өнеркәсібі министрі:
Бұл инновациялық хаб - қытайлық инвесторлармен байланыстыратын көпірге айналып, инкубациялық және акселерациялық бағдарламаларға жол ашады. Еліміздің технологиялық компаниялары өнімдерін Қытай нарығына ілгерілетуде маңызды рөл атқарады деп сенеміз. Хабтың басты мақсаты – еуразиялық стартаптар мен ІТ-компаниялар үшін жаһандық мүмкіндіктерге жол ашу
Дархан Рақымжан
