ЖИ дәуірінде еңбек адамын қорғаудың стандарты жасалып жатыр

Жасанды интеллект қолдану дәуірінде еңбек адамын қорғаудың стандарттары жасалып жатыр. Бұл туралы Астанада өтіп жатқан Халықаралық кәсіподақтар конфедерациясының жазғы мектебінде айтылды.

Айта кетейік, дәстүрлі шара Орталық Азия аймағында алғаш рет ұйымдастырылып отыр. Оған 50-ден астам елдің ұлттық кәсіподақ орталықтарының өкілдері келді. Мамандар жұмысшылардың құқықтарын қорғау тетіктері мен жұмыс орындарындағы демократия рөлін талқылады. Сондай-ақ жасанды интеллекттің еңбек нарығына әсерінен дәстүрлі жұмыс түрлері азайып жатқан жағдайда азаматтарды жаңа жұмыс ағымына бейімдеу жолдары айтылды.

Сатыбалды Дәулеталин, ҚР Кәсіподақтар федерациясының төрағасы:

Адам жасай алатын мамандықтар тізбесін заңды түрде бекітуіміз керек. Ол бір. Екінші, жасанды интеллекттің алгоритмі шешім шығарған кезде жұмыстан шығару болсын, тәртіп болсын басқа дүниелерде ол жерде міндетті түрде адам қатысуы қажет.

Аман Сейілхан