«Yandex Taxi» төлеген салық – 4,3 млрд теңге

Премьер-Министр Олжас Бектенов «Яндекс Global»-дың бас директоры Даниил Шулейкомен және «Yandex Qazaqstan» жетекшісі Тимур Шалекеновпен кездесті. Кездесуде цифрлық қызметтерді дамыту, платформалық жұмыспен қамту және технологиялық жобаларды іске асыру перспективалары талқыланды.

Жиында өзін-өзі жұмыспен қамтығандарға салық салу мәселесін барлық тарапқа тиімді реттеу тетіктері де сөз болды. Бұл тұрғыда «Yandex Qazaqstan» жүзеге асырып жатқан бастама ерекше маңызға ие. Айта кетейік, «Yandex Taxi» еліміздегі алғашқы салық агенті атанған. Өткен жылдың қыркүйегінде іске қосылған сәттен бастап агент ретінде компания 4,3 млрд теңгені салыққа аударған.

Аман Сейілхан