Бірнеше елді мекеннің тұрғындары судан уланды

Ресейдің Дағыстан республикасында бес елді мекеннің тұрғындары судан уланды. Әзірге 110 адамнан індет анықталды. Барлығында ішек инфекциясы тіркелген. Қазіргі уақытта РосПотребнадзор мамандары індет ошағында жұмыс істеп жатыр. Зардап шеккендерден су мен биоматериал сынамалары алынуда. Тергеушілер ауыз судың үйлерде су құбырлары арқылы жеткізіліп отырғанын анықтады. Тергеу комитеті қылмыстық іс қозғады. Зардап шеккендердің саны тағы артуы мүмкін дейді мамандар.

Индира Бегайдар