Қостанай облысында қайтарылған активтер есебінен 9 жоба жүзеге асады

Ал Қостанай облысында қайтарылған активтердің есебінен 9 әлеуметтік жоба жүзеге асырылып жатыр. Оның сегізі елді мекендерді ауызсумен қамтуға арналған. 279 шақырым құбыр тартылып, 55 мың тұрғын сапалы ауызсуға қол жеткізеді. Сондай-ақ Жітіқара ауданында бір емхана ғимараты қайта жаңартылады. Қаражат арнаулы мемлекеттік қорда жинақталмақ. Оны республикалық бюджеттік комиссия тек әлеуметтік мақсатқа бағыттайды. Бүгінде еліміз бойынша тұрғын үй-коммуналдық шаруашылығы, денсаулық сақтау, білім және спорт саласына қатысты 333 жоба комиссия тарапынан қолдау тапқан. Қаражаттың жұмсалуы прокуратураның бақылауында болады.

Мәдина Нағашыбай