Жаңалықтарды Telegram арнамыздан оқыңыз!Алғашқы бөлім 2010 жылы жарық көріп, отандық киноның дамуына серпін берген болатын. Фильмде ауылдан қалаға жақсы өмір іздеп келген қарапайып жігіттің «бай бағландар» ортасына түсіп, өмірлік құндылықтарын сақтап қалу жолындағы күресі суреттелген. Енді екінші бөлім жаңа мазмұнда қайта оралмақ. Бұл жолы авторлар көрерменге драмалық элементтері бар тартысты экшн-фильм ұсынуға уәде берді.
Аян Айзабеков, кинорежиссер:
Дәл қазір елордада түсіріп жатырмыз. Мұнда жаңа локация, көрікті орындар көп. Бұл жолы алғашқы бөлімдегі құрам болмайды. Фильмде жаңа оқиғалар орын алады. Бірақ, мазмұны сақталады. Яғни, біз бұл туындымен қоғамда болып жатқан әлеуметтік мәселелерді барынша көрсетуге еңбек етіп жатырмыз. Көптің көңілінен шығады деп сенеміз.
Культке айналған хикаяның жалғасы Алматы, Астана және Щучинск қалаларында түсіріліп жатыр. Сондықтан, бұл шаһарларда кей көшелердегі жол қозғалысы уақытша шектеледі.
Рауан Ахметов, актер:
Байлармен қазіргі қоғамдағы кедейлердің айырмашылығы қандай екенін туралы айтатын боламыз. Көрсететін боламыз. Біз Астанада түсіріп жатырмыз. Қала әкімдігінің қолдауымен сосын Астана қаласының прокуратурасы және басқа да департаменттердің қолдауымен түсіріліп жатыр.
Жаңа фильм келесі жылы 1 қаңтарда көрерменге жол тартпақ. Туындыны Tiger Films қаржыландырып, «Қазақфильм» техникалық қолдау көрсетуде. Бұл – қос студияның бірлесіп қолға алған алғашқы жобасы.
Динара Жарқынбек
