Жаңалықтарды Telegram арнамыздан оқыңыз!Елімізде Молдова елшілігі ашылды. Молдова сыртқы істер министрі Михай Попшой Қазақстанға алғаш рет ресми сапармен келіп, Астанада елшіліктің ашылу рәсімі өтті. Сыртқы істер министрі бұл сапарды қос ел арасындағы дипломатиялық қарым-қатынастың жаңа кезеңге қадам басуы деп бағалады. Былтыр екі ел арасындағы тауар айналымы 75%-ға өсіп, 66 млн долларға жеткен. Халықаралық алаңда да Астана мен Кишиневтің ұстанымдары ұқсас.
Мұрат Нұртілеу, ҚР Премьер-министрінің орынбасары - Сыртқы істер министрі:
Қазақстан Молдова үшін Орталық Азия мен Қытай нарығына жол ашатын стратегиялық қақпа бола алады. Осы ретте әріптесімді Транскаспий халықаралық көлік дәлізінің мүмкіндігін пайдалануға шақырдым. Бұл тұрғыда қазақ тарапы Молдоваға елімізде шығарылатын локомотивтерді, вагондарды, рельстерді және басқа да теміржол техникасын жеткізу көлемін ұлғайтуға мүдделі.
Ернұр Медет
