Қазақстан әскерінің сержанттар корпусының құрылғанына – 29 жыл

Қазақстан сержанттар корпусының құрылғанына – 29 жыл

Бүгін, 1 шілдеде елімізде Сержант күні аталып өтеді. 1996 жылы дәл осы күні алғаш рет сержанттарды дайындайтын оқу орны – Шоқан Уәлиханов атындағы Кадет корпусы ашылған болатын.

Қазір бұл оқу орны әскери колледжге айналып, кіші командирлерді дайындауды жалғастырып жатыр. Сонымен қатар сержанттар Астанадағы және Алматы мен Щучинск қалаларындағы колледждерде де оқытылады.

Сержанттар – сарбаз бен офицер арасындағы алтын көпір. Жауынгердің дайындығы да, тәртібі де көбіне соларға байланысты.

Бүгінде қазақстандық сержанттар халықаралық жарыстарда да мықты екенін дәлелдеп жүр. Мәселен, Аслан Дархан мен Рауан Тоқтарбеков АҚШ-та өткен сайыста рекорд орнатып, үздік нәтиже көрсетті.