Жаңалықтарды Telegram арнамыздан оқыңыз!«Qazaqstan» телеарнасында тағы да мегажоба! «Ұнайды маған» атты жаңа музыкалық талант-шоуы еліміздің ерекше дауысты, жезтаңдай әншілерін іздейді. Бүгіннен бастап музыкалық жобаға іріктеу Алматы қаласында басталды. Шілденің 14-іне дейін әр өңірде кастинг өтеді. Жоба талабы бойынша 18 жастан асқан әрбір үміткер камера алдында 2 ән орындауы керек. «Qazaqstan» телеарнасының эфирінен шығатын мегажоба миллиондаған көрермен көз тігетін әрі елді елең еткізетін бірегей жобаға айналады, дейді ұйымдастырушылар.
Айжан Балтабаева, жобаның редакторы:
Бұл жобаның ерекшелігі – еліміздің ең ірі қалаларымен қоса, басты облыс орталықтарының бәрінде іріктеу кезеңі қолға алынып отыр. Онлайн кастинг арқылы өтінім берушілердің саны өте көп. Бұл елімізде талантты жандардың өте көп екенін дәлелдейді.
Жазира Оразқызы
