Астанада бокстан Әлем кубогы басталды

Астанада бокстан Әлем кубогы басталды. Жаһандық жарысқа 30-ға жуық елден 300-ден астам спортшы келді. Бұл Олимпиадалық World Boxing ұйымының Қазақстандағы алғашқы жарысы. Рейтингілік сайыста әр салмақ дәрежесінде жеңімпазға 300, 2-орынға 200, қос қола жүлдегерге 150 ұпайдан беріледі. Бүгін 5 боксшымыз ел намысын қорғайды. Әйелдер арасында 4, ал ерлерден 1 спортшымыз шаршы алаңға шығады. Дүбірлі дода 6 шілдеге дейін болады.

Шахмұрат Мүтәліп, Қазақстан Бокс федерациясының президенті:

Ливерпульда өтетін Әлем чемпионаты алдындағы бір дайындықты пысықтайтын, тәжірибе алмасатын соңғы жарыстардың бірі болып саналады. Біріншіден, өз елімізде өтіп жатқаннан кейін, екіншіден, жігіттер де, қыздар да даярлықтарын шыңдап келді бұл жарысқа. Сондықтан әрқайсысынан болса да, жоғары деңгейдегі медаль күтеміз, жүлделі орындардан көрінетініне сеніміміз мол. Бұл - Ливерпульде өтетін Әлем чемпионаты алдындағы бір дайындықты пысықтайтын, тәжірибе алмасатын соңғы жарыстардың бірі болып саналады.

Ернұр Медет