Жаңалықтарды Telegram арнамыздан оқыңыз!«Біз есірткіге қарсымыз». Халықаралық есірткіге қарсы күрес күніне орай Талдықорғанда арнайы акция өтті. Жастар спорттық ойындардың бірнеше түрінен сынға түсіп өзара мықтыларды анықтады. Сондай-ақ ұйымдастырушылар өнерпаздар арасында байқау жариялап, жеңімпаздарды сыйлықпен марапаттады. Көпшілікті қызықтырғаны арнайы жасақ қызметкерлерінің жұмысы болды. Олар қылмыскерді ұстау мен қоян-қолтық ұрыстың түрлі әдіс-тәсілін көрсетті. Мұндай шаралар қауіпсіз және салауатты қоғам құруға көмектеседі, дейді ұйымдастырушылар.
Жандос Иманғалиев, Жетісу облыстық Прокуратурасының басқарма прокуроры:
Биыл заңсыз айналымнан 52 келі есірткі, оның ішінде 14 келі синтетикалық психотроптық есірткі тәркіленді. Сонымен қатар біз мектептер мен колледжерде алдын алу іс-шарасын өткізіп, жастардың есірткіге қарсы иммунитетін қалыптастыруға күш саламыз.
Дамир Нұрмұхамед
