Жаңалықтарды Telegram арнамыздан оқыңыз!Түркияның Каппадокия аймағында әуе шары апатқа ұшырап бір адам қайтыс болды. Туристер арасында аса танымал әуе баллоны таң ата көкке көтерілген. Алайда көп ұзамай кенеттен соққан қатты желдің кесірінен жерге құлаған. Шарды басқарып тұрған 37 жастағы ұшқыш себеттің астында қалып оқиға орнында көз жұмды. Ал әуе шарында болған 19 индонезиялық турист жараланды. Олардың барлығы ауруханаға жеткізілген. Өмірлеріне қауіп төніп тұрған жоқ. Кеше осы аймақта тағы бір ұқсас оқиға болды. 12 үндістандық турист мінген әуе шары жерге қатты екпінмен қонып, бірнеше адам жеңіл жарақат алған. Қазір екі оқиғаға қатысты тергеу жүріп жатыр.
Айдос Әшімұлы
