Қостанай облысында шегіртке қаптады

Қостанай облысының Жангелдин ауданында шегіртке қаптады. Торғай – Шилі – Милісай бағытындағы жол бойын зиянкестер басып, көлік қозғалысын қиындатқан. Мамандар мұны шегірткенің италиялық прус түрі екенін айтады. Қазір олардың таралу аумағы 92 мың гектарға жеткен. Ал 95 мың гектар жерге дәрі себілді. Егіс алқаптарына әзірге қауіп жоқ. Тағы 87 мың гектар аумақты өңдеу жоспарланған. Дер кезінде әрекет ету үшін 15 техника, оның ішінде дрон, дельтаплан, ұшақ және газ генераторы жұмылдырылды. Алайда желді ауа райы дезинфекциялық жұмыстарға кедергі келтіріп тұр.

Мәдина Нағашыбай