Қостанай облысына Чехия мен Венгрия елдерінен 8 бас Пржевальск жылқысы жеткізілді

Қостанай облысына Чехия мен Венгрия елдерінен 8 бас Пржевальск жылқысы жеткізілді. Оның төртеуі Венгрияның «Хортобадь» ұлттық паркінен. Табиғи ортаға жібермес бұрын олар бір жыл бойы «Алтын дала» табиғи резерватында ұсталып, жерсіндірілмек. Бұрын Қазақстанды мекендеген бұл тұқым 1920 жылдары жойылып кеткен еді. 2029 жылға дейін тағы 40-45 бас әкелу жоспарланып отыр. Мамандардың айтуынша, керқұландардың оралуы экожүйені қалпына келтіруге көмектеседі.

Мадина Нағашыбай