Ведомстволық наградаларды жүйелеу мәселесі талқыланды

Мемлекеттік кеңесші Ерлан Қариннің төрағалығымен рәміздер мен ведомстволық наградалардың бірыңғай стандартын бекіту мақсатында республикалық комиссияның отырысы өтті. Комиссия мүшелері Президенттің Ұлттық құрылтайда берген тапсырмасына сәйкес, марапаттарды бір жүйеге келтіру жөніндегі мәселені талқылады. Басқосуда мәдениет және ақпарат министрлігі ведомстволық наградаларды қолдану және жетілдіру үшін атқарылып жатқан шаралар бойынша есеп берді.

Сондай-ақ ведомстволық наградаларды оңтайландыру мен жүйелеудің жалпы тәсілдерін ұсынды. Жиын соңында Мемлекеттік кеңесші ведомстволық наградалар саласындағы жұмыстарды одан әрі жетілдіру жөнінде бірқатар тапсырма берді.

Ернұр Медет