Интернетті ерте жастан пайдалануға қатысты мамандар ескерту жасады

Әлемде әрбір үшінші интернет қолданушысы – балалар. Қазақстандағы балалар да 5-6 жасынан бастап ғаламторды белсенді пайдаланады. Ақпараттық қауіпсіздік комитеті интернеттің өскелең ұрпақтың дамуы үшін маңызды құрал екенін атап өтті. Дегенмен ғаламторда балаларға қауіп төндіретін тәуекелдердің бар екенін ескертті. Комитет арнайы видео нұсқаулық жариялап, онда кибербуллинг, зиянды мазмұн, алаяқтық сияқты онлайн қауіптерге назар аударылған. Сонымен қатар ата-аналарға балаларының желідегі әрекетін мұқият бақылау, интернет қауіпсіздігі ережелерін үйрету және ашық әңгіме жүргізудің маңыздылығы түсіндірілді.

Динара Жарқынбек