Жыл басынан бері 60 бала терезеден құлаған

Жыл басынан бері елде 60 бала терезеден құлап кеткен. Төтенше жағдайлар министрлігінің дерегінше, бес бала алған жарақатынан көз жұмды. Ал 55 бүлдіршін түрлі жарақатпен ауруханаға түсті. Өткен жылдың дәл осы кезеңімен салыстырғанда, жазатайым оқиғалар биыл 4 есе көбейген. Мамандар әсіресе, көктем мен жаз айларында сақ болуды ескертеді. Сондай-ақ құтқарушылар кішкентай балаларды жалғыз қалдырмауға және терезеге бекіткіш құралдарды орнатуға кеңес береді. 

Динара Жарқынбек