Елордада «Қытай – Орталық Азия» саммиті қарсаңында сарапшылар бас қосты

Биыл Қазақстанда «Қытай – Орталық Азия» саммиті өтеді. Соның қарсаңында Астанада халықаралық ұйымдардың, сараптамалық орталықтардың, іскерлік орта мен ғылыми қауымдастықтың өкілдері бас қосты. Сондай-ақ Орталық Азия елдерінен сарапшылар келді. Олар екі тараптың өзара іс-қимыл бағыттарын, сауда-экономикалық, инфрақұрылымдық және инвестициялық бастамаларды, гуманитарлық байланыстарды, білім беру және мәдени салада өзара тәжірбие алмасу жолдарын қарастырды. Сонымен қатар, тұрақты даму, цифрландыру және қауіпсіздік салаларындағы өзекті мәселелерді ортаға салды.

Рахым Ошақбаев, «Talap» қолданбалы зерттеулер орталығы қорының директоры:

Бүгін дөңгелек үстелде біршама мәселе талқыланды. Биыл елімізде өттетін «Қытай – Орталық Азия» саммиті маңызды ауқымды шара. Жалпы Орталық Азия елдері соңғы 10 жылда бірлесе түсті. Бір-біріне деген сенімділік артты. Бұрын бұлай болмағаны белгілі ғой. Қазір бір-біріне қолдау көрсетеді десе де болады.

Динара Жарқынбек