Ватиканда Рим папасы XIV Леоның таққа отыру рәсімі өтті

Ватиканда Рим папасы XIV Леоның таққа отыру рәсімі өтті. Ол қызметіне ресми түрде кірісті. Понтифик таққа отырмас бұрын Әулие Петр алаңын папамобилмен аралап шықты. Дәстүрге сай, рим-католик шіркеуінің жаңа басшысына биліктің нышаны саналатын паллий лентасы мен алтын жүзік табысталды.

Понтификті ұлықтау рәсіміне, 30 елдің басшысын қоса алғанда, 150-ден астам елдің өкілдері қатысты. Олардың арасында АҚШ вице-президенті Джей Ди Вэнс, АҚШ мемлекеттік хатшысы Марко Рубио, Украина басшысы Владимир Зеленский, Перу президенті Дина Болуарте бар.

Арай Төлеген