Мәскеуде Әлия Молдағұловаға ескерткіш қойылады

Мәскеуде Әлия Молдағұловаға тағы бір ескерткіш орнатылмақ. Екінші дүниежүзілік соғыста ерлік көрсетіп, қаза тапқан Әлия Молдағұлованың туғанына 100 жыл. Жеңістің 80 жылдығына орай қазақтың қайсар қызына арналған шаралар Ресейдің Мәскеу қаласы мен өзге де өңірлерінде 100-ден астам шара өтті. Даңқты жерлесіміздің ерлігіне тек Қазақ елі емес, Ресей жұрты да құрметпен қарайды. Енді Ресей астанасында батыр қызымызға арналған тағы бір ескерткіш бой көтермек. Мәскеуде Кеңес Одағының Батыр қызы атындағы көше бар. Сондай-ақ 1999 жылы орта мектептердің біріне Әлия Молдағұлованың есімі берілген.

Даниил Новиков, оқушы:

Әлия Молдағұлова туралы біз көп білеміз, ерлігін ешқашан ұмытпаймыз. Менің ойымша, қазіргі жастар батырларды біліп, олар туралы естеліктерді құрметтеуі тиіс. 18 жасында ерлік көрсеткен мерген Әлия Молдағұлова атындағы мектепте оқу мен үшін мәртебе. Өз басым батырға арналған барлық шаралардан қалыс қалмаймын.

Индира Бегайдар