Биыл Қазақстанда шегірткемен күрес шараларына 7,1 млрд теңге бөлінді

Елімізде 2 млн гектардан астам жерге шегіртке тектес зиянкестер таралуы мүмкін. Ауыл шаруашылық министрлігінің мәліметінше, бұл өткен жылмен салыстырғанда 1 млн гектарға аз. Дегенмен, биыл зиянкестермен күрес шараларына бюджеттен 7 млрд 100 млн теңге бөлінген. Зерттеуге 4 600-дей маман және 440-тан аса арнайы техника тартылып, барлық облыста жедел штаб құрылған. Бүгінге дейін 1,5 млн гектарға жуық жер зерттеліп, 572 мың гектарда шегірткелер анықталды. Жамбыл мен Түркістан облыстарында химиялық өңдеу жүргізілді.

Динара Жарқынбек