Елімізде мейіргер мәртебесі артады

Бүгін – мейіргерлердің халықаралық күні. Еліміздің денсаулық сақтау жүйесінде 190 мыңнан астам орта буын медицина қызметкері еңбек етеді. Оның 146 мыңы – мейіргер. Қазір бұл мамандардың өкілеті кеңейіп келеді. Премьер-Министрдің орынбасары Ермек Көшербаевтың мәлімдеуінше, алдағы уақытта мейіргерлерге дәрігердің тағайындауымен дәрі-дәрмек тізімін жасау құқығы берілмек. Бұл бастама созылмалы ауруы бар науқастар үшін тиімді. Енді олар дәрігердің қабылдауын күтпей-ақ, медбикеден қажетті рецепт ала алады. Бұл шаралар медициналық қызметтің қолжетімді болуын арттырады деді. 

Динара Жарқынбек