Жаңалықтарды Telegram арнамыздан оқыңыз!Ал елордадағы Максим Горький атындағы мемлекеттік академиялық орыс драма театрында «Әлия» спектаклі көрсетілді. Жаңа форматтағы туындыда Ұлттық ұланның ерлер хоры мен үлгілі-көрсетімді оркестрі соғыс жылдарындағы түрлі патриоттық әндерді орындады.
Қойылым Жеңістің 80 жылдығына және қазақтың бұрымды батыры Әлия Молдағұлованың туғанына 100 жыл толуына орай қойылды. Спектакльде аты аңызға айналған даңқты қыздың өмірі ғана емес, жалпы қазақ әйелдерінің табандылығы мен жанқиярлығы суреттелген. 30-ға жуық әскери қызметкер қосалқы рөлдерді сомдап, нағыз зұлмат жылдардың ауыртпалығын сезіндірді. Көрермен көзіне жас алып, ыстық ықыласпен қабылдады.
Бауыржан Алтынбеков, Ұлттық ұлан ерлер хорының жетекшісі:
Біздің міндетіміз - сол соғыс алаңындағы жүрген сарбаздардың, соғыстан тыс демалыс уақытының қалай өтетінін көрсету болды. Түнгі, кешкі уақытта сәлде болсын өздері демалып, ән айтып, елге деген сағыныштарын басып күш жинайитын, өздерінің сүйген аруларын, келіншектерін еске алып отырған атмосфераны көрсетуге тырыстық.
Ернұр Медет
