Қостанай облысында жазасын өтегендерге көмек көрсетіледі

Қостанай облысында жазасын өтеп шыққан азаматтарға жан-жақты көмек беретін пилоттық жоба жүзеге аспақ. Мұндай жаңашылдық елімізде алғаш рет енгізілгелі отыр. Бостандыққа шығуына 2 ай қалған сотталушыларға мамандар құқықтық, психологиялық көмек көрсетіп, құжатын түгендеп, тіпті жұмысқа орналасуына жәрдемдеседі. Қазір облыста 2000-ға жуық жазасын өтеуші болса, жақын арада олардың екі жүзі бостандыққа шығады.

Рабат Мырзатаев, Қылмыстық атқару жүйесі департаменті бастығының орынбасары:

Қылмысқа қайта бармас үшін оларды барынша қоғамға қайта бейімдейміз. Жауапкершілігі шектеулі серіктестік, жеке кәсіпкерлер, шаруа қожалықтарымен тығыз байланыс орнатып, бостандыққа шыққаннан кейінгі тұрғылықты жері бойынша жұмыс тауып береміз.

Мәдина Нағашыбай