Жаңалықтарды Telegram арнамыздан оқыңыз!Наурыздан бастап теңгемен ашылған депозиттердің сыйақы мөлшеріне шектеу алынып тасталғаны белгілі. Бірақ әзірге банктер арасында пайыздық жарнаны көтерген немесе азайтқандар туралы ақпарат жоқ. Ал сарапшылар қаржы ұйымдары сыйақыны әрі кетсе 1-2 пайыз ғана өсіреді немесе мүлде өзгертпеуі мүмкін деп болжайды. Сондықтан салымшылардың кез-келген банкке ақша салуға асықпауын ескертеді. Депозит ашарда тек жоғары пайыздық мөлшерлемеге ғана мән бермей ақшаны толықтыру және шешу талаптарына әрі мерзіміне назар аударуға кеңес береді. Мысалы 6 айға ашылған депозиттерде жылдық мөлшерлеме жоғары болады. Бұдан бөлек тиімді және номиналды секілді басқа депозит түрлері көп. Шатаспау үшін тиімді жағын алдын ала есептеп алған жөн деп санайды.
Ләззат Жанмолдаева, экономист:
Тиімді дегені де, номиналды дегені де екеуі де сол бір депозит. Тек қана айырмашылығы мысалы сіз 15 пайыздық мөлшерлемеге салсаңыз, сол тиімді болып есептеледі. Оның ішінде 14,5 пайызы нағыз банк беретін депозит болуы мүмкін де үстіндегі 0,5 пайызы сол номиналды банктің беріп отырған пайызының үстіне қосылатын қосымша бонус ретінде берілетін капитализация деп нақтылап айтсақ болады. Соның бәрі қосылып тиімді деп аталады. Бұл екеуін бөліп қарауға келмейді негізі.
Серік Жұмабек
