Оскар-2025: Ең үздік фильм – «Анора»

АҚШ-та 97-«Оскар» жүлдесімен марапаттау рәсімі өтті. Режиссер Шон Бейкердің «Анора» фильмі үздік деп танылды. Осы картинада басты рөлді сомдаған актриса Майки Мэдисон «Үздік актриса», ал Шон Бейкер «Үздік режиссер» атағын алды. «Бруталист» драмасында ойнаған Эдриен Броуди «Үздік актер» атанды. Анимациялық туындылар арасынан толықметражды «Ағын» мультфильміне «Оскар» бұйырды. «Өзге жер жоқ» картинасы үздік деректі фильм деп танылды. Иордан өзенінің батыс жағалауында түсірілген туындыда палестиналық белсенді мен израильдік журналист арасындағы достық туралы баяндалады.

Арай Төлегенқызы