Лондонда Рамазан шамдары жағылды

Лондонда Рамазан шамдары жағылды. Шаһар басшылығы орталық көшелерде мерекелік безендірулер іліп, ауыз бекіткен мұсылман қауымын қасиетті айдың басталуымен құттықтады.

Ұлыбританияда исламофобияның қарқын алуына байланысты бұл жоба толеранттылық пен бірлікті насихаттауға арналған. Көздің жауын алатын түрлі-түсті инсталляциялар 30 наурызға дейін ілініп тұрады. Содан кейін «Рамазан құтты болсын» сөзі «Айт құтты болсын» болып өзгереді. Бұл бастама Рамазанның рухани және мәдени бірліктің мерекесі екенін айқындайды, дейді ұйымдастырушылар.

Садик Хан, Лондон мэрі: 

Үшінші жыл қатарынан Лестер көшесінде Рамазан шамдарын жағу мен үшін үлкен бақыт. Лондон осылайша Батыс Еуропа елдері арасында бірінші болып мұсылмандарға арналған айда мерекелік безендіру ілген алғашқы қала болып тұр. 

Марина Бекенова