Торонтодағы Пирсон халықаралық әуежайында ұшақ қонған сәтте аударылып қалды

Торонтодағы Пирсон халықаралық әуежайында ұшақ қонған сәтте аударылып қалды. Бортта 80 адам болған. Алдын ала мәліметке қарағанда қаза тапқандар жоқ. Бірақ 18 адам жарақат алған. 1 бала жан сақтау бөліміне жеткізілді. Апаттың нақты себебі әлі анықталған жоқ, алайда мамандар қолайсыз ауа райы себеп болуы мүмкін дейді. Қазір тергеу басталды. Бұл – соңғы бір айдағы Солтүстік Америкадағы төртінші ірі авиациялық апат.

Бұған дейін АҚШ-та жолаушылар ұшағы мен әскери тікұшақ соқтығысып, 67 адам қаза тапқан еді. 31 қаңтарда Филадельфияда медициналық ұшақ апатқа ұшырап, 7 адамның өмірін қиды, ал Аляскадағы әуе апатында 10 адам қайтыс болды.

Жалғас Сәдібекұлы