ОСК төрағасы студенттерге сайлаудың маңыздылығын түсіндірді

Дүниежүзілік сайлау күніне орай Орталық сайлау комиссиясының төрағасы Нұрлан Әбдіров студенттермен кездесті. Жиынға елорданың 500-ден астам жас сайлаушылары мен жастар ұйымдарының жетекшілері, студенттер мен сайлау комиссиясының өкілдері қатысты. Шара – жастар арасында құқықтық сананы жетілдіруге және электоралдық, азаматтық белсенділікті арттыруға бағытталған. Сондай-ақ дауыс беру процесіне жауапкершілікпен қарап, сайлау институтына сенімді арттыру көзделген. Сайлау күні аясында ел бойынша 2 мыңға жуық пікірталас пен интерактивті іс-шаралар жоспарланған.

Арайлым Жандос, студент:

Бізде сайлау жүйесінде сәл өзгерістер болды. 2023 жылдан бері ауылдағы әкімдер, облыс әкімдерін халық өзі таңдады және бұл жерде партияларды ғана емес, онымен қоса бөлек кандидаттарды сайлау туралы айтып жатыр. Менің ойымша, әрбір азамат білуі керек.

Динара Жарқынбек